Kryetari demokrat, Sali Berisha, komentoi për mediat Samitin e Ohrit, ku pritet të mblidhen shtetet e rajonit për nismën e Ballkanit të Hapur.
“Sot jam këtu para jush për të denoncuar takimin e aleancës trelaterale të Ohrit, si një aleancë e rrezikshme për paqen, stabilitetin në Ballkan, si një aleancë e cila synon vendosjen e hegjemonisë serbe dhe influencës ruse në rajon. Si një aleancë, e cila i kundërvihet tërësisht procesit të integrimit evropian dhe procesit të tregut të përbashkët rajonal në kuadër të nismës së Berlinit.
Ky samit është një samit që prodhon serbomadhi dhe rusofili dhe asgjë të mirë për shqiptarët.
Përshëndes qeveritë që refuzojnë anëtarësimin në këtë klub të Beogradit,” tha Berisha.
I pyetur për praninë e Malit të Zi në këtë forum, Berisha tha: “Mali i Zi nuk është anëtarësuar, por ka shkuar për të parë. Mali i Zi ka një kompozim ku një pjesë e popullsisë është serbofile apo serbe në fakt”