Miku i Edi Ramës, presidenti serb, Aleksandar Vuçiç vendosi një kurorë me lule në të ashtuquajturin 'Monumenti i Heronjve të Koshares' që shënon përvjetorin e përfundimit të betejës mes Ushtrisë Çlirimtare të Kosovës dhe ushtrisë së Sllobodan Millosheviç.

Pas vendosjes së kurorës, Vuçiç ka biseduar me veteranët e Betejës së Koshares, të cilët kanë vendosur kurorë pranë monumentin, duke i falenderuar për gjithçka që kanë bërë për atdheun.

"Nëse nuk kemi bërë asgjë tjetër, të paktën sot mund të flasim për ata që kanë vdekur dhe rolin tuaj", tha Vuçiç me veteranët.

Ai shtoi: "Faleminderit shumë për nderin që i keni dhënë Serbisë dhe ne së bashku duhet të përpiqemi të mos e harrojmë atë. Lavdi heronjve tanë të rënë. Ju uroj gjithë të mirat dhe tani po shkoj në Bruksel", tha Vuçiç.

Media serbe B92 shkruan se "22 vjet më parë përfundoi beteja e Koshares, gjatë së cilës, pjesëtarët e ushtrisë së RF të Jugosllavisë, mbrojtën kufirin shtetëror për 67 ditë dhe penguan pushtimin tokësor të UÇK-së terroriste nga Shqipëria në territorin e Serbisë". "Në piedestal janë gdhendur emrat e 108 ushtarëve, nënoficerëve, oficerëve, rezervistëve dhe vullnetarëve që vdiqën në vitin 1999 në Koshare".

Në fakt, ata që media serbe dhe Vuçiç i quajnë terroristë, ishin luftëtarët e lirisë së Kosovës.

Ishte Ushtria Çlirimtare e Kosovës që rrëmbeu armët dhe luftoi një mpër një me çetnikët serb, deri në çlirimin e Kosovës nga pushtuesit.