Presidentja e Komisionit Europian, Ursula von der Leyen, dhe presidentja e Kosovës, Vjosa Osmani, kanë shprehur hapur simpatinë e tyre për këngëtaren Dua Lipa.
Gjatë takimit dhe momentit fotografik në Samitin e BE-së, Von der Leyen ka gjetur hapësirën dhe momentin për ta pyetur Osmanin për Dua Lipën.
Kjo e fundit madje e ka ftuar në festivalin e "Sunny Hill" që pritet të mbahet në datat 4-7 gusht.
Pjesë nga biseda:
“Si është Dua Lipa?”, e pyeti Von der Leyen, dhe Osmani iu përgjigj: “Shumë mirë. Shpresojmë që t’ju kemi për festivalin 'Sunny Hill' në Kosovë. Jeni të ftuar të gjithë”.
“Jemi fanse të së njëjtës këngëtare”, sqaroi më tej Ursula von der Leyen.
“E Dua Lipës, nga Kosova”, shtoi Osmani.