Kreu i Partisë Demokratike Sali Berisha komentoi në një intervistë për Euronews Albania vizitën dhe deklaratat e kryeministrit Edi Rama në Bruksel.

Sali Berisha deklaroi se fjalimi i Ramës në Bruksel është shkruar në zyrën e Lavrov ndërsa shtoi se ai filloi t’ë mbrojë Vuçiçin dhe t’i japë leksione BE-së se si të veprojë.

"Fjalimi i Ramës në Bruksel u shkrua në zyrën e Lavrov. Rama shkoi në Bruksel si përfaqësues ose si vasal i Vuçiçit.

Ky i fundit nuk hapi dot, i ka të hapura negociatat por në kapituj nuk shënon përparim. Ka qëndrim pro-rus sa i përket sanksioneve.

Ky qëndrim është dallues shumë i madh se në cilën anë rreshtohen. Vuçiç mori Ramën si avokat. Rama foli disa herë më shumë për Serbinë se për Shqipërinë.

Rama si një vasal zgjodhi t'i japë leksion udhëheqjes së BE-së. Kërkoi të mos sulmonin, e të mos i bënin presion Serbisë.”-tha Berisha.