Kryetari demokrat, Sali Berisha, u ndal në fjalën e tij gjatë promovimit të librit ‘Shqipëria në rrezik’ edhe te megaskandali i inceneratorëve.

“Qytetarët janë njohur tashmë me mënyrën më të paimagjinueshme të vjedhjes së parave të thesarit të shtetit, duke shpallur biznesmenë njerëz të moshuar në azile, njerëz të cilëve u kanë vjedhur kartat e identitetit, njerëz që nuk kanë asnjë lidhje, por kanë vetëm një fat, mafia qeveritare e djegësave ka vendosur t’i përdorur ata për të vjedhur 60 milionë euro.

Ndërkohë qytetarëve që përballen me rritje të papërmbajtshme të çmimeve, nuk u kompensohet një qindarkë e vetme. E pamë në parlament që qindra milionë euro të fituara nga rritja e çmimeve, të marra nga xhepat e qytetarëve, nuk iu kthyen atyre, por u ndanë me oligarkët.

Shohim që në këtë periudhë krize të madhe, Edi Rama nuk njeh kufi në vjedhjet e tij. Çon te Zoto-Mërtiri, te ushtarët e vet të hajnisë, në aferën e djegësave, çdo ditë nga 80 mijë euro, për të treguar karakterin qesharak të hetimit që zhvillohet sot ndaj kësaj afere.

Kemi të bëjmë me një person, për të cilin qytetarët shqiptarë nuk ekzistojnë, ose ekzistojnë për t’u vjedhur dhe mashtruar.

Këto përgjigje do i japë protesta nesër dhe në vazhdim,” tha Berisha