Kryetarja e LSI, Monika Kryemadhi, deklaroi sot se Kryeministri Edi Rama është pronari i vërtetë i inceneratorit të Tiranës dhe i drejtoi atij publikisht një pyetje: Cili është investimi që është bërë në atë incenerator? Bëni transparencën, kërkojmë vetëm transparencën, - bëri thirrje kryetarja e LSI.
Në një konferencë për media, Kryemadhi renditi faktet dhe katër shkeljet e ligjit që janë bërë me këtë investim në Tiranë, ku kontraktor është Klodian Zoto dhe, edhe pse janë dhënë 128 milionë euro, nuk ka asgjë.
“Unë e përsëris, Edi Rama është pronari i vërtetë i inceneratorit të Tiranës, - nënvizoi Kryemadhi. - Pse keni frikë nga e vërteta? Cili është investimi i vërtetë që është bërë në atë incenerator? Pse kanë frikë Edi Rama dhe "avokati" i tij të bëjnë transparencën?!
Sot qytetarët presin transparencë për investimin prej 128 milionë eurosh. Nëse ky investim do të ishte i ndershëm, Edi Rama nuk do ta kishte bërë problem ta bënte transparencë.
Transparencë po kërkojmë, vetëm transparencë!
Ajo që dua të theksoj dhe është përsëri për të kujtuar se në çështjen e tmerrshme të evazionit fiskal, ka të paktën katër pika, katër nene të shkelura të Kodit Penal ku përfshihet Klodian Zoto dhe e gjithë skema mashtruese fiktive:
E para, ulin pensione, ulin shërbimet në spitale, ulin shërbimin ne arsim, ulin pagat në administratë.
Fshehin të ardhura; Mospagim të taksave dhe tatimeve; Moskryerje e detyrave nga organet tatimore; Pastrimi i produkteve të veprave penalë.
Këto janë pikat që përshijnë krimin financiar të kryer nga 24 kompani të lidhura drejtpërdrejt me inceneratorët e Elbasanit, Tiranës, Fierit që kishin kontraktor Zoton që ka kryer të gjitha punimet