Kryetari i Partisë Demokratike Sali Berisha ka organizuar këtë të hënë një takim me fermerët në Belsh. Një prej këtyre të fundit, shtroi pyetjen se kur do të zhduket barishtja e keqe e Surrelit, duke iu referuar kryeministrit Edi Rama.

Në përgjigje të fermerit, Berisha tha se barishtja e Surrelit do largohet nga një lëvizje e qëndrueshme pasi protesta e 7 korrikut dha një mesazh të fortë.
“Shtruat një pyetje themelore, do e zhdukim këtë barishte kur çdo ditë e më shumë të bindim shqiptarët që të mos thonë ‘ç’më duhet mua kjo punë’, por mjaft është mjaft.

Po rrokullisemi, dhe nuk e meritojmë këtë. 7 korriku dha mesazh të fuqishëm, do kalohet në një lëvizje të qëndrueshme për të dalë nga kjo qeveri.”-tha Berisha