Kryetari demokrat, Sali Berisha, tha sot se edhe vendimi nga Britania e Madhe për të mos lejuar hyrjen e tij në këtë vend, është ndikuar nga i njëjti lob me në krye miliarderin e majtë, George Soros.
“Fuqia e George Soros është e pakufishme. Nuk jam unë këtë që e them këtë. Janë me qindra dhe më shumë, politikanë, ligjvënës dhe të tjerë.
Vetëm në Europë, ai ka insistuar 18 miliardë euro në opinione. Kështu që lidhjet e Edi Ramës me Sorosin janë shumë të njohura.
Por fati i madh, se shqiptarët pavarësisht nga kjo, siç e keni parë ju vetë, kanë vlerësuar qëndrimin tim.
Jo se ata janë antiamerikanë, por problemi është se kur shtrohet çështja mes të vërtetës dhe gënjeshtrës, ata do zgjedhin të vërtetën. Ata besojnë se kjo i afron me Amerikën, nuk i distancon. Kjo i distancon nga mafia e Sorosit, jo nga vlerat e Amerikës. Nuk mund ta konceptoj ndryshe mbështetjen në rritje të tyre ndaj meje dhe PD-së,” tha Berisha.
“Lulzim Basha në një moment më tha që PD do të shkatërrohet nëse ti nuk pranon të mos hysh në parlament. Cila qe përgjigja ime? Një parti që pranon gënjeshtrën për të vërtetën, nuk e meriton të ekzistojë.
Ai e përdori më vonë sikur pranoj shkatërrimin e partisë. Por ja ku është partia.
Ajo iu përmbajt gënjeshtrës. Një parti që pranon gënjeshtrën për të vërtetë, ajo duhet të zhduket,” tha Berisha