Kryetari i Partisë Demokratike, Sali Berisha, i ka bërë thirrje Fondit Shqiptaro-Amerikan AADF të tërhiqet nga marrëveshja për Butrintin, që sipas tij është një aferë për të cilën përgjegjësit do dalin para drejtësisë. Berisha u shpreh se qeveritarët e korruptuar do ndërtojnë vila në Butrint. Kryedemokrati u zotua se do rishikojë ligjin për trashëgiminë kulturore dhe se Teatri Kombëtar do ndërtohet siç ishte
Trashëgimia kulturore, zhdukja e identitetit dhe rreziku që i kanoset kësaj trashëgimie, ishin në qendër të bashkëbisedimit, që kryetari i PD, Sali berisha, zhvilloi me gazetarë dhe ekspertë të fushës.

Ndërsa qeveria ka miratuar ligjin për menaxhimin e Butrintit, lideri i demokratëve e denoncoi si një afere korruptive të kryeministrit Rama, me qëllimin për të ndërtuar në këtë zonë një kompleks vilash.

Berisha i bëri thirrje Fondit Shqiptaro-Amerikan të heqë dorë nga projekti për menaxhimin e Butrintit.

Ish-kryeministri foli edhe për transformimin që ka pësuar kryeqytetit, duke akuzuar kryeministrin se ka shkatërruar identitetin e Tiranës, përmes aferave korruptive.

Berisha paralajmëroi se do të shqyrtohet ligji për trashëgiminë kulturore dhe premtoi rindërtimin e Teatrit Kombëtar, siç ka qenë.

Gazetarët dhe ekspertët e pranishëm në takim, ndanë shqetësimet e tyre për transformimit që kanë pësuar qytetet duke humbjen e identitetit të tyre