Shefi i Organizimit të PD, Klevis Balliu ka reaguar pas denoncimit në Syri Tv të dy vëllezërve Aleksandër dhe Zef Doçi, të cilëve u ka grabitur pronën Edmond Bego, miku i Taulant Ballës.
Balliu i bën thirrje SPAK dhe institucioneve të tjera të drejtësisë të reagojnë menjëherë.
Reagimi
EDI RAMA, ERION VELIAJ, TAULANT BALLA VJEDHIN PRONAT E SHQIPTARËVE.
Ku është SPAK???
I bëj thirrje institucioneve të drejtësisë dhe Policisë së Shtetit të marrin masa të menjëhershme dhe të ndalojnë menjëherë këtë krim çnjerzor.
Prej disa muajsh pjesëtarët e familjes Doçi përballen me grabitjen e një trualli prej 2500 metrash, nga miku i ngushtë i Taulant Ballës, Edmond Bego, për të ndërtuar një kompleks pallatesh.
Gropat e hapura për pallate nga kompania kanë vënë në rrezik edhe themelet e banesës së familjes Doçi. Leja është dhënë nga Bashkia e Tiranës, ndërsa fadromat vijojnë punën, edhe pse çështja është ende në proces.