Agjencia e njohur e Brukselit, EuObserver, raporton për situatën e tensionuar në veri të Kosovës. Sipas agjencisë, kjo situatë ka alarmuar autoritetet në Bruksel.
EuObserver thekson se Rusia i hodhi mbrëmë benzinë zjarrit të situatës së tensionuar.
“Dhe nga ana e saj, ministria e Jashtme e Rusisë hodhi benzinë mbi zjarrin të dielën, duke pretenduar se serbëve etnikë po u mohoheshin të drejtat e tyre në Kosovë,” shkruan agjencia.
Zëdhënësja ruse, Maria Zakharova, e cila është në listën e zezë të sanksioneve të BE, tha se një zhvillim i tillë është dëshmi e dështimit të misioit ndërmjetësues të Bashkimit Europian.
“Ky është një shembull se çfarë vendi do ketë Serbia në BE, duke i ofruar Beogradit de facto që të durojë mungesën e të drejtave të bashkëatdhetarëve të saj brenda Kosovës,” tha ajo