Kryetari demokrat, Sali Berisha, hodhi akuza të rënda në drejtim të ministrit të Brendshëm, Bledi Çuçi, që mbajti një qëndrim skandaloz pas ngjarjes në Himarë.
“Arjan Tase, me origjinë nga Përmeti, u rikthye në detyrë nga dy ministrat. Ai nuk plotësonte asnjë kusht, përveç lidhjeve të forta me dy ministrat Çuçi dhe Kumbaro.
Të dhënat tjera janë shumë tronditëse. Ministri i Brendshëm apo ministri i familjes, rezulton të jetë anëtar i një shoqate të mbushur me trafikantë dhe kontrabandistë, për të cilët media ka nxjerrë emra dhe fakte.
Pas tre ditësh, Bledi Veltari, në mënyrën më të papranueshme, shkon në verbërinë e tij dhe shpirtkazmërinë e tij, nuk gjen dy fjalë për të shprehur ngushëllim për familjen.
Shikoni deri në çfarë shkalle arrin çnjerëzia e këtyre ministrave të degraduar.
Bën një status të gjatë, që e fillon e mbaron me Sali Berishën, dhe nuk gjen një hapësirë minimale për familjen që humbi fëmijën pikërisht për shkak të këtij soj ministri,” tha Berisha