Kongresmeni republikan, Jim Banks, u takua me ish-presidentin Donald Trump të martën në mbrëmje, pasi FBI bastisi shtëpinë e tij në Florida.
Banks, drejtues i Komisionit Studimor Republikan, tha se Trump është shumë optimist dhe e ka ndarë mendjen për rikandidimin në vitin 2024. Kongresmeni tha se ai do e bëjë publik vendimin e tij shumë shpejt.
“Ai nuk dukej aspak i mundur- ai ishte shumë i ndezur, shumë optimist,” tha Banks për Fox News.
“Ishte një bisedë e shkëlqyer prej tre orësh për atë se çfarë po bëjnë republikanët e Dhomës së Përfaqësuesve për të fituar shumicën dhe se çfarë do bëjmë me të kur të fitojmë”.
Sa i përket planeve në Trump për rikandidimin, Banks tha se ish-presidenti e ka ndarë mendjen.
“Ai tha se neve do na pëlqejë vendimi i tij dhe se është vetëm çështje kohe para se ai ta bëjë të ditur vendimin”.
Banks tha se Trump ka mbështetjen e republikanëve.
“Ai na ndihmon të fitojmë më shumë vende në nëntor. Partia Republikane është më e madhe dhe më e fortë se kurrë më parë për shkak të lidershipit të Donald Trump”.
