Në një deklaratë për mediat, kryetari i Partisë Demokratike, Sali Berisha foli në lidhje arrestimin e 2 rusëve dhe 1 ukrahinasi.

Sipas kreut të PD-së, roli i tyre duhet të qartësohet, por kërcënimi më i madh për sigurinë kombëtare të Shqipërisë, është Edi Rama.

‘Agresorët e ushtarëve në detyrë, u ndaluan dhe janë hetim. Cila është lidhja e tyre me shërbimet duhet të qartësohet. Por e vërteta është se përdorimi i lëndëve djegëse dhe neuroparalizuese dhe toksike, kundër ushtarëve, komprometon thellësisht ‘misionin’ e tyre turistik.

Unë sot jam këtu për të deklaruar, se kërcënimin më të madh në këto vite ndaj sigurisë kombëtare, me akte madhore e ka bërë personalisht, Edi Rama. Po ju rikujtoj këtu se 5 vite më parë në një mënyrë të pashembullt në historinë e një vendi, të lirë apo jo, mediat shqiptare publikuan të gjithë organigramën e shërbimit shtetërore, emër, mbiemër, degë dhe funksion. Ata publikuan dhe rrogat e tyre, duke ekspozuar kështu këtë shërbim ndaj të gjitha shërbimeve të tjera, jo miqësore.

Deklaroj këtu se këtë e ka bërë Edi Rama, pasi askush tjetër në Republikën e Shqipërisë, përveç kryeministrit që firmos çdo vit strukturën e SHISH, ka të drejtë të njihet me të, apo ta kërkojë atë.

Një goditje tmerrësisht e rëndë për Shërbimin u bë nga Ministria e Financave ç’ka e bën atë përgjegjëse direkte. Por natyrisht, kjo ministri nuk mund të kishte kurrë organigramën e punonjësve të SHISH’, tha kreu i PD-së, Sali Berisha