Kryetari i Partisë Demokratike, Sali Berisha, ka organizuar sot pasdite një bashkëbisedim me zonjat në Tiranë.

Kryedemokrati Sali Berisha deklaroi se Nënë Tereza na bëri të njohur në botë më shumë se kushdo tjetër.

Ajo që është më domethënëse është edhe një raport tjetër. Në dekada dhe dekada testi i inteligjencës dilte në favor të burrave, por në dhjetëvjeçarin e fundit, ky test del qartësisht në favor të vajzave dhe grave, në mënyrë të përsëritur të qëndrueshme.

Kjo sepse edhe intelekti, suksesi, që të gjitha të themi, në mënyrë figurative, ka një programim, bazohen mbi një përkushtim dhe një programim të veçantë. Askush këtë program nuk e ka më të mirë, serioz se sa e kanë vajzat dhe gratë, ndaj dhe mendoj se edhe në traditën tonë ne kemi një fat interesant.

Më shumë se me çdo gjë tjetër, ne në botë u bëmë të njohur nga një grua, nga Nënë Tereza. Ne flasim për heronjtë tanë kombëtar, flasim për shkrimtarët tanë të mëdhenj, artistë të mëdhenj, sportistë të shquar, sportiste të shquara, por kurorën e diamanteve në këtë fushë e mban ajo që arriti me vyrtitet e gruas dhe nënës shqiptare të shenjtërohej për së gjalli.”-tha Berisha.