Kreu i Partisë së Lirisë, Ilir Meta, në një intervistë në RTSH deklaroi se opozita deri para një viti kur drejtohej nga Lulzim Basha, ishte një opozitë me regji.
Meta komentoi edhe Reformën në Drejtësi për të cilën shpeshherë ka hedhur akuza duke thënë se Drejtësia vepron sipas interesave të Ramës. Meta u shpreh se goditja e parë ndaj Reformës në Drejtësi ishte zgjedhja e prokurorit me 69 vota.
"U zgjodh me 69 vota që të zgjidhej KLP, KLP bënte SPAK-un."-tha Meta.
Ish-Presidenti i vendit një koment e bëri edhe për protestën e mbajtur më datë 13 shtator tek inceneratori i Tiranës, për të cilën deklaroi se kishte një mesazh të qartë.
"Protesta tek inceneratori ishte një mesazh i qartë, ishte protestë tematike. Dosjet që hapen, bëhet për të shmangur vëmendjen nga inceneratori. Rama ka krijuar një shtet monopartiak, merr iniciativa për të bërë zhurmë."-tha Meta.
