Kryetari demokrat, Sali Berisha, tha në konferencën e tij të përjavshme se kryeministri Edi Rama i futi thikën Kosovës dhe kombit shqiptar në Këshillin e Europës.

Berisha e vuri theksin se bojkoti që iu bë darkës së shtruar nga Edi Rama në Këshillin e Europës.

Edhe pse kryeministri Rama po përpiqet që ta paraqesë si një bojkot të pjesshëm, në fakt aty nuk kishte asnjë përfaqësues të rëndësishëm pasi bojkoti u shpall nga Këshilli Presidencial, nga grupi më i madh i djathtë, por siç ka njoftuar edhe deputetja e majtë greke, Nina Kasimati, të pranishëm nuk ishin as socialistët.

“Një njeri, të cilit i braktisin darkën, jo që nuk të ndihmon, por të turpëron dhe të dëmton në çdo aspekt. Vetëm aparenca, pa marrë më pas thelbin. Nuk mund të shkosh në Këshillin e Europës dhe të bësh presion ndaj drejtësisë, nuk je me Lindita Nikollan aty.

Ata që i lanë darkën, janë përfaqësues të vendeve kryesore që kanë votuar për çlirimin e Kosovës,” tha Berisha.

“Ky akt nuk ka ndodhur kurrë në historinë 73-vjeçare të këtij institucioni. Por ndodhi për herë të parë me kryeministrin e të parit dhe të vetmit narko-shtet në Europë. Shqipëria dhe asnjë vend tjetër anëtar i këtij institucioni në 73 vite jetë, nuk ka njohur kurrë një turpërim të tillë,” tha Berisha.