Ndryshimet ligjore u miratuan me 94 vota pro, 1 abstenim.  

Çfarë parashikon ligji
Sipas këtij ndryshimi, do të mundësohet vendosja në sitë e të gjithë politikanëve që kanë kaluar verifikimin nëse kanë qenë apo jo bashkëpunëtorë të ish-sigurimit të shtetit, si dhe propozimin e demokratëve për ndryshim në ligjin për “Për Informacionin e Klasifikuar “Sekret Shtetëror”, që do të mundësonte hapjen e të gjitha dosjeve të ish-Sigurimit të Shtetit.

Gjuetia e shtrigave
Në fakt, ligjin e dosjeve PS po e shfrytëzon si gjeti shtrigash, pas akuzave qesharake që u ngritën në adresë të kryetarit të Partisë së Lirisë, Ilir Meta. Nisma erdhi pasi Autoriteti i Dosjeve i dërgoi informacion Kuvendit se një politikan i nivelit të lartë ka qenë bashkëpunëtor i ish-sigurimit të shtetit duke spiunuar një qytetar që kishte tentuar arratisjen nga vendi.

Sipas pretendimeve të ngritura të Autoriteti i Dosjeve, bëhet fjalë për një politikan me iniciale I.M., për të cilin, mazhoranca ka akuzuar ish-presidentin Ilir Meta. Kjo solli reagimin e kryetarit të Partisë së Lirisë, i cili i mohoi të gjitha akuzat, madje e ndoqi këtë çështje edhe në rrugë ligjore duke paditur Autoritetin e Dosjeve për shpifje dhe falsifikim dokumentesh. 

Edhe vetë Edi Rama sot nga foltorja e Kuvendit u shpreh se përgatiti ligjin si hakmarrje ndaj Ilir Metës, pasi ky i fundit me të lënë Presidencën, iu rikthye politikës aktive dhe u pozicionua në oponencë me qeverinë socialiste. Madje, duke e atakuar në vazhdimësi ekzekutivin e Edi Ramës si më të korruptuarin në histori nga afera e inceneratorëve, koncesionet, PPP, tenderat korruptivë etj.