“Edi Rama duhet të japë dorëheqje dhe të mos presë ta dorëheqin qytetarët e zemëruar shqiptarë. Nuk mund të mashtrojë, nuk mund të gënjejë. Shqipëria po zien si rrallë ndonjëherë në historinë e saj nga zemërimi dhe revolta e qytetarëve të saj, bizneseve të vogla të cilët presin në ankth të madh të nesërmen për shkak të lukunisë së taksidarëve që është derdhur mbi ta, po zien në çdo familje shqiptare, për shkak të çmimeve të papërballueshme të produkteve bazë të jetesës. Po zien tek çdo i ri, që sheh te Edi Rama një shpresë vrasës dhe ëndërr vrasës. Po zien te çdo pensionist që qan me lotët e ftohta të mjerimit sepse nuk siguron dot kafshatën me pensionin e tij dhe nuk blen dot ilaçet me pensionin e tij. Po zien te qindra mijëra punonjës rrogëtarë në këtë vend, që me pagën mizerabël që marrin, nuk përballojnë dot as gjysmën e muajit. Mijëra e mijëra policë dhe ushtarakë kanë paraqitur dorëheqjen. 2500 policë kanë dorëzuar dorëheqjen dhe Çuçi i familjes fsheh realitetin. Gjysma e ushtarakëve profesionistë kanë dorëzuar dorëheqjen dhe mbahen me detyrim për shkak të kontratës që kanë firmosur. Gjendja është alarmante”, tha dje Berisha.

Por problemi është se karburantin, parkingun, rrogat e pilotëve, stjuardesave dhe të gjitha shpenzimeve të tjera që në një udhëtim shkojnë të paktën 150 mijë euro, i paguajnë baballarët e atyre që kalojnë me gomone La Manshin duke rrezikuar jetën e tyre se nuk kanë mjete jetese në Shqipëri”,tha Berisha ndërsa bëri dallimin mes Kryeministrit Rama dhe tij kur ka qenë në qeveri.

“Ministrat udhëtonin vetëm me linjë tregtare dhe asnjë me klas të parë apo biznes-klas. Mund të jenë marrë 3-4 herë charter, kurrë për një grup të vogël, por kur është shkuar në konferenca biznesi, ku bileta e Kryeministrit shkonte maksimumi në 2 mijë euro apo 1500 euro dhe ka paguar secili biletën e vet.

Kryeministri me familjen e tij nuk ka udhëtuar kurrë dhe asnjëherë me charter. Dhe ato udhëtime me charter mund të jenë 6 raste, por asnjëherë delegacioni I kryeministrit dhe charteri bosh. Me bileta. Mund të ketë shkuar pak më shtrenjtë. Por kurën e kurrës vetëm delegacioni apo vetëm Kryeministri. Gjatë kohës që kam qenë Kryeministër ka ndodhur 1 apo 2 herë jam detyruar për arsye emergjente gjatë kohës që kam qenë President se ka pas një rast që duhej të paraqitesha diku. Nuk mundet Kryeministri, ja ku i ka linjat. Ku të duash shko. Rregulli ka qenë, merrnim linjat e orës 3 të natës dhe kthehemi me orën 12 të natës. Nuk ka asnjë vështirësi për kontinentin evropian. Mund të fluturoje nga Helsinki në Athinë brenda ditës, të tilla janë linjat”, tha dje Berisha duke akuzuar kreun e qeverisë se e ka përdorur avionin e shtetit për udhëtime me familjen në fundjavë