Kryetari demokrat, Sali Berisha, foli sërish sot për krizën e rëndë të emigracionit në Britaninë e Madhe.

Berisha tha se autori kryesor i kësaj krize është Edi Rama me keqqeverisjen e tij.

Berisha tha se qeverisja e Edi Ramës po eksporton krim, ndërsa shtoi se porti i Durrësit është kthyer në portin më të madh të kokainës në botë.

Kryetari demokrat, tha se garanton ndërkombëtarët se PD do aplikojë tolerancë zero ndaj krimit, siç ka faktuar në të shkuarën.

“Edhe njëherë, dënoj këto qëndrime dhe deklaroj me përgjegjësi të plotë se shkak më madhor i këtyre është Edi Rama dhe qeveria e tij.

PD do të aplikojë, siç ka faktuar në të kundërtën, zero tolerancë ndaj krimit të organizuar.

PD do të jetë, do të zbatojë ligjin jo vetëm ndaj bandave në strofullin ku jetojnë, por ndaj bosëve të mafias në zyrat e shtetit,” tha Berisha.