Kryetari i PD Sali Berisha organizoi këtë pasdite një takim me banorët e njësisë numër 5 në Tiranë. Berisha tha se largimi masiv i shqiptarëve dhe borxhi i qeverisë, është grabitja e të ardhmes së tyre.
"Shqipëria është në shpërbërje, kombi shqiptar është sot në një rrezik ekzistencial. Sulmohet kultura, tashëgimnia kulturore dhe gjuha më të gjitha mënyrat. A dëgjuat ju ndonjë gjuhëtarë të flasë në përvjetorin e drejtshkrimit, asnjë. Folën pasardhësit e atyre që e masakruan gjuhën. Edhe kjo përbën një qëllim në vetvete. Por mbi të gjitha largimi masiv i shqiptarëve është grabitja e të ardhmes së tyre.
Nuk po ndalem tek borxhi, sepse pas largimit të të rinjve, borxhi publik është grabitja më e madhe që i bëhet të ardhmes, sepse me këtë borxh, pas 20 vitesh çdo shqiptar i lindur ka mbi supe 21 mijë euro borxh.
E pse ky borxh? Për të ndërtuar rrugë me çmim 8 herë se në Europë, për të vjedhur me shkolla me çmim 5-6 herë më të lartë, për udhëtime luksi, shpenzime të qeveritarëve, gjithçka në kurriz të qytetarëve."-tha Berisha.
