Presidenti i Serbisë, Aleksandër Vuçiç, tha se do të shkojë në Tiranë në Samitin e BE-së dhe vendeve të Ballkanit Perëndimor për të luftuar për interesat e popullit serb.

Presidenti Vuçiç tha se shpreson që të ketë ndonjë përfitim nga vizita e tij në Tiranë.

“Pavarësisht se tema është Ballkani Perëndimor dhe se 20 prej tyre do të flasin në mënyrë joadekuate për sanksionet ndaj Federatës Ruse dhe problemin e Kosovës, ndoshta kolegët e mi kanë të drejtë kur thonë se do të dëgjojnë së paku një përgjigje.

Për sa i përket Tiranës, do të ketë gjëra të mira për qytetarët tanë, si ulje e çmimit të roaming. Kur është fjala për Kosovën, e kam shumë të vështirë të kuptoj gjuhën e “dy palëve”, dhe kjo është ajo që shkakton zemërim. Nuk jam i sigurt, por patjetër do të ketë disa përfitime nga shkuarja ime në Tiranë. Po të mos shkoja, sigurisht që do të kishte shumë dëme" tha Vuçiç.
Shefi i diplomacisë serbe, Ivica Daci tha dje se Vuçiç do të marrë vendim për të shkuar në Tiranë pas takimit me Miroslav Lajçak.