Kryetari demokrat, Sali Berisha, tha se dokumentet e Arben Ahmetajt për çështjen e djegësave dolën në kuadër të luftës së brendshme në SPAK.

Berisha tha se SPAK kontrollohet nga Rama dhe u bëri thirrje qytetarëve të ngrihen në protesta.

“Dokumentet e publikuara në kuadër të luftës së brendshme, kanë qenë në dosje dhe nuk janë marrë parasysh. Kjo tregon se ky është SPAK-u i partisë, i kontrolluar çdo ditë nga Edi Rama.

Askush nuk duhet të harrojë se mijëra euro në hotelet luksoze janë një pikë në oqean para milionave të vjedhura ku lundrojnë Rama dhe ministrat e tij.

Zoto është peshku i vogël, peshku i madh, Edi Rama, fluturon me çarter me dhomë gjumi luksoze.

Prandaj edhe dy ditë, përpara 8 dhjetorit, Ditës Ndërkombëtare të Korrupsionit, Shqipëria ngjitet në majë të shkallares së turpit për sa i përket vjedhjes dhe kapjes së shtetit.

Të gjitha këto janë apel për çdo qytetar shqiptar, të ngrihet me guxim për të rrëzuar këtë qeveri që vjedh dhe vetëm vjedh,” tha Berisha.