Osmani ka thënë se tashmë ka dakordim për këtë çështje.
Osmani ka thënë se Kosova është dhe do të jetë e rrezikuar derisa Serbia do të vazhdojë të udhëhiqet nga njerëz si Aleksandër Vuçiç, Aleksandër Vulin e Ivica Daçiç, për të cilët thotë se kanë mentalitetin e Millosheviçit.
Presidentja ka thënë se Serbia ka pretendime të qarta territoriale në raport me Kosovën dhe se “sa më larg që e shohin këtë synim, aq më të dhunshëm bëhen”.
“Përtej çështjes së mentalitetit, duhet ta themi shumë qartë, sepse e dimë që të gjithë, Serbia ka pretendime të qarta territoriale në raport me Kosovën. Ata dëshirojnë të gllabërojnë tokë Kosove dhe sa më larg që e shohin këtë synim, aq më të dhunshëm bëhen. Kjo është krejt esenca e asaj që po ngjan këto ditë. Vuçiqi është duke e parë që as në negociata në dialog në Bruksel e as nëpërmet strategjive të tij të tjera të mbrapshta, nuk mund të arrij të marrë territor Kosove, në cilëndo prej strategjive”, tha Osmani.