Deputet i Partisë Demokratike Tritan Shehu i ftuar ditën e sotme në 'Kafe Shqeto' në Syri Tv, komentoi ‘vendimin’ e Enkelejd Alibeajt për të përjashtuar 4 deputetë të PD, mes tyre edhe Belind Këlliçin, kandidat zyrtar i opozitës për kryetar të bashkisë së Tiranës.
Shehu ndër të tjera u shpreh se Aliebaj shtë kthyer në një 'vegël në duart e mazhorancës' .
“Ky është një veprim i të marrit. Sepse vetëm një i marrë mund të pranojë të merret me këtë gjë. Një njeri pa koshiencë, pa mend dhe pa tru mund të kërkojë të komandohet në këtë mënyrë. Është një uzurpator i drejtimit të grupit parlamentar. Ai është përçarës sepse shkresa e parë që ka firmosur kur u emërua nga kryetari i grupit parlamentar, ishte shkresa për përjashtimin e një grupi të madh deputetësh nga grupi parlamentar.
Gjë, që paraardhësi tij, zoti Rusha nuk pranoi ta bëjë dhe dha dorëheqjen nga kryetari i grupit parlamentar. Pra në këtë mënyrë zoti Alibeaj po ecën me konsekuencë, me linjën e tij të përçarjes duke u përdorur nga kjo mazhorancë për të shkatërruar Partinë Demokratike dhe opozitën. Por Alibeaj nuk ka këllqe, unë e njoh karakterin e tij të dobët. Nuk ka as këllqe nuk ka as inteligjencën për të debatuar në atë mënyrë. Ai komandohet dhe shfrytëzohet, nga fakti se e lejon të jetë një person i përdorshëm” u shpreh Shehu.