Një ditë pasi Enkelejd Alibeaj deklaroi se ka përjashtuar nga grupi parlamentar i PD-së katër deputetë demokratë, vjen një reagim nga deputeti Ferdinand Xhaferaj.

Në një dalje për mediat nga Kryesia e Kuvendit, Xhaferaj tha se nuk ka firmosur për përjashtimin e kolegëve të tij nga grupi.

“Jam informuar në media dhe tregon për maskaradën e dimensionit demokratik që ka kjo vendimmarrje. Kjo flet shumë dhe për kolegët dhe për qytetarët shqiptarë. Asnjëherë nuk kam votuar apo firmosur për përjashtim kolegësh. Nuk kam votuar kurrë që dikush të përjashtohet”, u shpreh Xhaferraj ndër të tjera.

Tritan Shehu, Oerd Bylykbashi, Belind Këlliçi dhe Agron Shehaj, sipas vendimit të Alibeaj, nuk janë më pjesë e grupit Parlamentar të Partisë Demokratike.

Vendimi qesharak i Alibeajt erdhi në një kohë kur pjesa më e madhe e grupit parlamentar kanë mbledhur firmat për shkarkimin e tij si kryetar grupi dhe zgjedhjen e Ervin Salianjit.