Ilir Meta thotë se Edi Rama nuk është kryeministri real i Shqipërisë.
Ish-presidenti i Republikës tha në Çim Peka Live se Rama është nën presionin dhe influencat e atyre ndaj të cilëve është peng.
Ai tha se për shkak se Rama është peng i të tjerëve, nuk mund të lihet i tillë vendi dhe kombi.
"Ilir Meta kurrë s'mund të pranonte të bëhej bashkëpunëtor, apo të heshte kur shikonte një plan të qartë për të ekzekutuar jo vetëm pluralizmin, por për të ekzekutuar me vetëdije të plotë çdo interes kombëtar thjesht për interesa të një pushteti të përkohshëm.
Sepse realisht nuk është as ai kryeministri i Shqipërisë. Ai është nën presionin dhe influencat e të gjithë atyre ndaj të cilëve është peng. Për shkak të këtij që është peng i të tjerëve ne nuk mund të lëmë një vend, një komb, një popull që të jetë peng i këtij", tha Meta.