Në një intervistë për “Nova”, ai ka theksuar se BE-ja është në krye të negociatave ndërmjet Beogradit dhe Prishtinës dhe se është e nevojshme të arrihet një marrëveshje ndërmjet dy palëve sa më shpejt të jetë e mundur.
Në intervistë, Sarrazin iu referua mesazheve të mëparshme nga Beogradi, se presidenti i Serbisë “nuk i beson Gjermanisë”. Ai foli edhe pse Gjermania nuk është e kënaqur me përparimin demokratik të Serbisë, dhe në të njëjtën kohë paralajmëroi se ka dyshime nga ekonomia gjermane se si po zhvillohet Serbia aktualisht.
“Ajo është ende shumë e rrezikshme. Kemi një situatë ku shërbimet themelore shtetërore, siç janë shërbimet e sigurisë, aktualisht nuk mund të ofrojnë siguri për serbët, por edhe për qytetarët e tjerë të Kosovës. Prandaj mendoj se është e rëndësishme të përshpejtohet procesi i kthimit të serbëve në institucionet e Kosovës”, tha ai.
Diplomati gjerman tha se i kupton emocionet e serbëve nga veriu i Kosovës, por më e rëndësishmja edhe për ta, është që bashkësia ndërkombëtare të bëjë gjithçka për të parandaluar përshkallëzimin e konfliktit.