Ish-agjenti i FBI është marrë zyrtarisht i pandehur për 225 mijë dollarët e marrë nga Edi Rama, udhëtimet e padeklaruara dhe lidhjen me oligarkët rusë të sanksionuar nga Departamenti i Shtetit.
Ai i është drejtuar gazetarëve për herë të parë publikisht këtë të premte ku ka folur për arrestimin e ish-zyrtarit Charles McGonigal.
Sipas drejtorit të FBI, ajo që ndodhi me McGonigal tregon se agjencia mund të kontrollojë veten.
Wray tha se ishin agjentët e FBI-së që “metodikisht dhe profesionalisht” e përpiluan çështjen kundër McGonigal.
“Ajo që unë mendoj është se akuzat në këtë rast demonstrojnë gatishmëria e FBI-së si një organizatë për të hedhur dritë mbi sjelljen që është krejtësisht e papranueshme, duke përfshirë kur ndodh nga një prej njerëzve tanë, dhe për t’i mbajtur ata njerëz përgjegjës. Sjellja e McGonigal nuk përfaqëson FBI. Jemi të gatshëm të hedhim dritë mbi ngjarjen”, u tha Wray gazetarëve në Uashington të premten.
"Ne po flasim për një person që është larguar nga FBI për më shumë se katër vjet tani", tha Wray.
“Është FBI ajo që nisi këtë hetim. Është FBI-ja dhe agjentët tanë që me kujdes dhe metodikë e bashkuan çështjen kundër tij. Dhe është FBI që e arrestoi atë”.
Wray shtoi se sjellja e McGonigal “nuk është përfaqësuese e asaj që shoh nga burrat dhe gratë e FBI-së çdo ditë”.
Në lidhje me këtë dosje reagoi edhe Prokurori i Përgjithshëm Merrick Garland duke thënë se çdo punonjës federal bën një betim për të mbështetur Kushtetutën e SHBA dhe për të kryer me besnikëri detyrat.
“Ne e marrim këtë betim seriozisht dhe do të sigurohemi që kushdo që nuk e përmbush atë betim të mbajë përgjegjës”, u shpreh Garland.
