Komiteti Gjyqësor i Dhomës së Përfaqësuesve i ka dërguar një letër drejtorit të FBI-së, Christopher Wray, duke kërkuar informacion për Charles McGonigal. 

Ish-agjenti special i FBI-së është akuzuar javën e kaluar për pastrim parash, shkelje të sanksioneve të SHBA-së dhe vepra të tjera të lidhura me punën e tij me një oligark rus. 

Akuzat ndaj McGonigal kanw alarmuar Uashingtonin pasi ish-agjenti i rangut të lartë të Byrosë Federale të Hetimeve në SHBA (FBI) akuzohet se ka shkelur sanksionet duke punuar për oligarkun rus, Oleg Deripaska. Ky rast tregon se si oligarkët rusë mund të depërtojnë në zemrën e shërbimeve të sigurisë amerikane.

Më konkretisht, Kongresi i SHBA kërkon nga FBI t'i vendosë në në dispozicion disa të dhëna për McGonigal përfshirë historikun e tij të punës, formularët e vlerësimit, vlerësimet e verifikimit të sigurisë dhe dokumentet përkatëse;

"2. Të gjitha dokumentet dhe komunikimet që i referohen ose kanë të bëjnë me procesin e FBI-së për vlerësimin dhe përgjigjen ndaj hetimit(eve) në lidhje me Charles McGonigal; dhe

3. Të gjitha dokumentet dhe komunikimet që i referohen ose lidhen me veprimet e ndërmarra ose planet që do të ndërmerren nga FBI për të zbutur rreziqet e sigurisë kombëtare të paraqitura nga veprimet e Charles McGonigal.

Ju lutemi jepni këtë informacion sa më shpejt të jetë e mundur, por jo më vonë se ora 17:00. më 16 shkurt 2023. Në masën që një përgjigje e plotë ndaj këtij hetimi kërkon dhënien e informacionit të klasifikuar, ju lutemi ta bëni këtë nën një kapak të veçantë.

Përveç kësaj, ne ju kërkojmë që të organizoni një konferencë në nivel Anëtari për të diskutuar hetimin e FBl-së për Charles M.cGonigal; rishikimi i procedurave dhe protokolleve përkatëse të FBI-së; dhe vlerësimi i FBl-së për rreziqet e sigurisë kombëtare të paraqitura nga bashkëpunimi i McGonigal me Deripaska Kjo konferencë duhet të përfshijë, por nuk do të kufizohet në, pyetjet e mëposhtme:

• Çfarë procesi po përdor FBI për të rishikuar vendimet e marra nga McGonigal për hapjen, mbylljen ose burimin e çështjeve të kundërinformacionit gjatë qëndrimit të tij në FBI?"

Në aktakuzën e Departamentit të Drejtësisë, kryeministri Edi Rama përmendet plot 14 herë. 

Rama akuzohet se ka korruptuar zyrtarin e FBI për të lobuar në SHBA kundër opozitës shqiptare dhe Partisë Demokratike. 

225 mijë dollarë është paguar McGonigal nga Personi A dhe Personi B, Agron Neza dhe Dorian Duçka për punën e tij lobuese në SHBA, në interes të Edi Ramës.