Kryetari demokrat, Sali Berisha, tha sot se në një vend ku vdes vota, nuk ka asnjë rrugë tjetër përveç revolucionit.

Ai i bëri këto deklarata duke përkujtuar 20 shkurtin e vitit 1991.

“3 marsi është ditë kushtrimi.

20 shkurti frymëzon më shumë se çdo gjë tjetër, shqiptarët të ngrihen në një revolucion.

Se vetëm nga një revolucion mund të përmbyset ky regjim që shkelmon votën, që shkelmon liritë, vjedh pasuritë, vjedh buxhetin, që nuk njeh normë, moral e ligj.

Ata që e duan këtë vend, duhet të bashkohen me këtë revolucion. Nuk dihet t’i trembë fjala revolucion, përkundrazi duhet t’i thërrasë ndërgjegjes së tyre se rrugë tjetër aty ku vdes vota, përveç revolucionit për të shpëtuar Shqipërinë dhe shqiptarët, nuk ka.

Ndaj dhe ftoj të gjithë shqiptarët të bashkohemi në këtë revolucion, të vazhdojmë betejën tonë deri në fitoren e plotë të tij.

Por sot është edhe ditë e kujtesës kombëtare. Unë jam këtu për të përulur me nderimin më të thellë, me mirënjohjen më të pakufishme ndaj burrave dhe grave, të rinjve, të moshuarve, martirëve të lirisë, që ranë për t’u bërë të pavdekshëm, në kasaphanën e luftës së klasës, në kampet e përqendrimit dhe gulagët, vetëm për idealet më të larta njerëzore, për dashurinë ndaj Shqipërisë.

Në këtë kontekst, garantoj se PD, e cila tek kjo shtresë, trashëgiminë e saj më të çmuar, do bëjë gjithçka për të ngritur në piedestal rolin e tyre. Do bëjë gjithçka për një ridimensionim të plotë të vërtetave të tyre historike,” tha Berisha.