Për Ylli Manjanin, goditja e Edi Ramës nga Amerika ka nisur që kur ky i fundit, ka nisur të tallet me SHISH.

Duke folur në ‘A Show’ në SYRI TV me Adi Krastën, Ylli Manjani u shpreh se pas akuzave të ardhura nga SHBA për lidhjet me McGonigal dhe raportit të djeshëm të Departamentit të Shtetit, qëndron fakti që Edi Rama ka vendosur të marrë kontrollin e SHISH.Sipas Manjanit këtu flitet për struktura të sigurisë botërore, dhe jo për politikat e ditës në SHBA.

‘Problemi është se Edi Rama ka prekur një vijë të kuqe, dhe unë dyshoj se ka prekur atë që quhet, marrëdhëniet me sigurinë. Po e them tullë në kokë; është çështja e SHISH në lojë. Kjo histori ka nisur menjëherë sapo kryeministri i ynë u tall me drejtuesin e SHISH. Është dhënë një urdhër administrative që drejtori i SHISH të mos hyjë në zyrën e vet.

Ne nuk kemi SHISH, SHISH i ynë janë ata dhe këtu nuk është halli se kush është politika e ditës në Amerikë, këtu flasim për struktura të sigurisë botërore. Dhe në këto ujëra ka lundruar Edi Rama, kjo është arsyeja se pse nga 2017 e deri më sot ishte ruajtur McGonigal dhe krejt papritur doli u bë çështje. Pse tani? Sepse janë të lidhura me këtë gjë.

Tani del edhe raporti i Departamentit të Shtetit. DASH bazohet më së shumti në burimet e informacionit të sigurisë kombëtare, të CIA-s më thjeshtë dhe këta nuk kanë rëndësi se kush është Blinken apo se kush është ky me mbiemër trafikanti, Escobar’, tha Ylli Manjani gjatë intervistës në SYRI TV.