Kryetari i Partisë së Lirisë, Ilir Meta komentoi në "Çim Peka Live" projektin e Belind Këlliçin për Tiranën.

Meta tha se Këlliçi do të ndalë betonizimin e hapësirave publike të kryeqytetit, ndërsa transporti publik falas do t'i vijë në ndihmë qytetarëve.

Gjithashtu, Meta tha se plani i Belind Këlliçit ka në qendër shëndetin dhe kujdesin ndaj qytetarëve.

"Belind Këlliçi ka një plan për të ndaluar agresionin e betonit kriminal në hapësirat publike, për të krijuar kudo në të gjitha zonat disa oaze të gjelbra, njëkohësisht edhe plani i tij për transportin urban është jo vetëm mbështetje për këtë shërbim për shtresat që kanë jetike këtë shërbim, por njëkohësisht për të përmirësuar trafikun dhe reduktuar ndotjen e qytetit. I gjithë plani i Belindit ka në plan të parë shëndetin dhe kujdesin ndaj qytetarëve që nga fëmijët e deri te të moshuarit. Ndërsa plani i këtyre është jep leje, kafsho parqet, kafsho oborret e shkollave dhe gjithçka vetëm për interesat e tyre të ndërtimit dhe pastrimit të parave", u shpreh Meta.