Për gazetarin Çim Peka, Shqipëria është shteti i parë që po i vendos sanksione Kosovës.
Me një postim në Facebook, Peka shkruan se Rama është në hall të madh, pasi kjo që po i bën Kosovës, është një hall i madh personal ndërkombëtar i tij.
‘Një hall të madh personal e ka!
Definitivisht Rama është në një hall të madh, nuk e di se çfarë, një ide e kam. Por, kjo që po i bën Kosovës, vetëm një hall i madh personal ndërkombëtar i tij, e detyron të dalë kaq zbuluar kundër Kosovës.
Ky është thjeshtë një njeri i kapur e i shantazhuar nga ata që nuk e duan Kosovën.
PS: Mos i besoni në argumentin që po jep për anulimin e mbledhjes, kishte bërë gati makinat që ministrat të niseshin në 7 të mëngjesit nesër, ndërkohë garda ishte nisur për në Tropojë pasi Rama do bënte një ndalesë aty, ndoshta për të takuar edhe ‘personin A’ i cili prej kohesh vërdalliset andej’, shkruan gazetari Çim Peka në postimin e tij.
