Studentët kërcënojnë se në rast se ky ligj do të votohet në Kuvend, ata do t’i përgjigjen me masa ekstreme. Të rinjtë kanë planifikuar përshkallëzimin e protestës duke bojkotuar plotësisht fillimin e studimeve akademike në Universitetin e Mjekësisë.
“Qeveria e turpit”, “E duam mjekësinë si gjithë Evropa”, dëgjohen studentët duke thirrur teksa marshojnë nga Universiteti i Mjekësisë drejt qendrës, duke bllokuar njërin aks të rrugës.
Forca policie po i shoqërojnë studentët gjatë marshimit të tyre. Ndërkohë studentëve të mjekësisë iu janë bashkuar edhe ata të UBT-së.