Berisha është shprehur në status se nga ortak në kullë, sipas thashethemeve të portaleve, akuzat u degraduan si një qiramarrës në një nga pronarët që ka marrë lejen e ndërtimin për pallatin me firmën e Veliajt dhe Ramës.

Postimi:

Shpifja konsumon veten!
Kjo u vërtetua edhe këto ditë kur shpifja për financim kullash 100 kateshe e resortesh në bregdet u kandis në një qira shtëpie! 
Që kur jam kthyer në Shqipëri para 17 vjetësh kam zgjedhur të jetoj gjithmonë me qira! Përgjatë gjithë këtyre viteve, ku kam ndërruar tre herë banesë, njëlloj si shumica e qiramarrësve përveç qirasë nuk kam pasur asnjë mardhenie pune me qiradhënësit! 
Përgjegjësia e qiramarrësit është të paguajë qiranë jo të kontrollojë punët, financat dhe bizneset e qiradhënësit.
E njëjta gjë vlen dhe për banesën aktuale dhe pronarin e saj! Përtej tentativës që nga ortak në kullë, më bënë qiraxhi qyls, si Rama dikur te Dash Peza në  Pezë e më pas tek Mihal Duri , i siguroj që qiranë e kam deklaruar e paguar me bankë sepse nuk kam patur fatin e Ramës për ta paguar në natyrë apo me klering me leje ndërtimi!
Për financime kullash dhe resortesh shpifësit do kenë mundësi të përballen me shpifjet e tyre në gjykatë! Sa për Ramën që përmes tualeteve të tij mediatike thotë se për kullat që ai dhe Veliaj firmosin si të ishin “shërbëtorët” e mi të bindur, fajin e ka Shkëlzeni, sfida mbetet e hapur Revoko leje ose haje me “nder”!