Kryetari demokrat, Sali Berisha, iu përgjigj ministrit Ulsi Manja, i cili e përdori parlamentin për të bërë fushatë për zgjedhjet lokale në Kukës. Edhe pse jashtë rendit të ditës, ai u tolerua nga drejtuesja e seancës.
Ndërkohë, Berisha tha se Manja është kriminel elektoral.
“Ai është një kriminel i mirëfilltë elektoral. Ai është një kriminel i damkosur elektoral.
Ngrihet këtu dhe bën propagandë elektorale njëlloj sikur të ishte Shukriu apo Safeti. Por ai ka dosjen e vet!” tha Berisha.
Berisha replikoi sërish me Manjën.
"Edhe njëherë dua t’i them kriminelit elektoral Manja që sot është në krye të burgjeve: shko dhe zgjidh qelinë. Të garantoj se nuk do të amnistohesh kurrë për krimet e tua të shëmtuara elektorale. Prandaj shko më mirë tani, zgjidhe vetë.
Drejtësia vonon, po nuk harron dhe ti do të shkosh aty ku e meriton. Kaq kam, përgjigja ime kjo është! Tani bëji një shkresë SPAK-ut që të arrestojnë Sali Berishën. Mos harro!"
