Kryetari i Partisë Demokratike Sali Berisha ka reaguar pas lajmit se gazetari Gjergj Zefi është dhunuar pasditen e sotme me sende të forta nga disa persona.
Në postimin e tij në Facebook, Berisha në emër të PD-së dënon me ashpërsinë më të madhe këtë akt kriminal mafioz ndaj gazetarit Zefi, si një atentat të rëndë ndaj fjalës së lirë dhe i uron atij shërim të shpejtë.
Postimi i plotë:
Dhunohet, goditet me sende te forta gazetari Gjergj Zefi.
Sot pasdite persona të panjohur i kanë zënë rrugën dhe kanë sulmuar me objekte të forta gazetarin Gjergj Zefi duke i shkaktuar atij lëndime serioze.
Partia Demokratike dënon me ashpërsinë më të madhe këtë akt kriminal mafjoz ndaj gazetarit Zefi si një atentat të rëndë ndaj fjalës së lirë dhe i uron atij shërim të shpejtë.
Partia Demokratike kërkon marrjen e çdo mase për gjetjen dhe vendosjen para ligjit të porositësve dhe autorëve të këtij akti primitiv.
