Studentët e Mjekësisë vazhdojnë protestat e tyre, kundër ligjit diskriminues të miratuar nga Edi Rama dhe mazhoranca e tij që i detyron të qëndrojnë për 5 vite në Shqipëri pasi përfundimit të shkollës.
Ata prej ditësh kërkojnë që të dëgjohen dhe të anulohet ky ligj diskriminues. Edhe gjatë ditës së hënë ata do të vazhdojnë protestat e tyre, e për këtë arsye kryetari i PD-së, Sali Berisha ka bërë thirrje që tu bashkohen studentët e tjerë, pedagogë dhe gjimnazistë.
Reagimi i kreut të PD-së, Sali Berisha:
Studentët e mjekësisë vazhdojnë protestën!
Ata do të mblidhen ditën e hënë më datë 9 Tetor, në orën 9:00, tek ‘Godina e Kuqe’, për të bojkotuar dhe protestuar sërish.
U bëj thirrje studentëve, pedagogëve të universiteteve dhe gjimnazistëve, të solidarizohen me kauzën e tyre të drejtë!
