Qeveria ka dorëzuar në Kuvend projekt-buxhetin për vitin 2024, ku është propozuar edhe një fond për inceneratorin e sekuestruar të Tiranës.
Ndonëse SPAK ka marrë masa konkrete për shkak të aferës korruptive, qeveria Rama kërkon t’i japë 1.2 miliardë lekë pagesa inceneratorit që nuk ekziston.
Përsa i përket inceneratorëve të Elbasanit dhe të Fierit, edhe këta të sekuestruar e nën administrim nga shteti, nuk janë planifikuar pagesa, pasi janë konsideruar jo-aktive.
Por Qeveria ka mbyllur sytë para aferës që vëlon në Tiranë, ku janë përfshirë një ish-ministër, ish-sekretari i tij, ish-zv.kryeministri, ish-zyrtarë të tjerë, media dhe gazetarë.
Këshilli i Ministrave, me në krye Edi Ramë, që ka miratuar propozimete ministrit të Financave Ervin Mete, duan që t’i japin miliarda inceneratorit që nuk ekziston, i cili ka gllabëruar 110 milionë euro nga taksat e shqiptarëve.
