Edhe çështja e Kosovës dhe mbështetja që Shqipëria duhet t'i afrojë asaj u nënvizua sot me forcë nga Kryetari i PD, Sali Berisha, pas betejës së deputetëve të opozitës në Kuvend, ku pavarësisht revoltës, tymueseve, thirrjeve, kryeparlamentarja Lindita Nikolla vazhdoi ta injoronte opozitën dhe të miratonte me nxitim nga mikrofoni i saj, projektligjet e rendit të ditës.
"Ju i pati si i miratoi ligjet?! - ngriti pyetjen Berisha. - Ai quhet "miratim"?! Ai është turpi i mazhorancës! Mazhoranca tregoi fytyrën e vet që nuk ndalet përpara asnjë turpi. Të shohin qytetarët se çfarë po ndodh, se çfarë parlamenti kanë.
Ne kërkojmë parlament normal. Ne kërkojmë që qytetarët të gjykojnë mbi opinionet për ligjet, për ligjet që sjell opozita, të gjykojnë kundërshtimet ndaj tyre, të gjykojnë për rezolutat.
A e dini se ka dy vite që rezoluta që dënon gjenocidin ciklik serb në Kosovë dhe në Shqipëri?!
Ftoj çdo shqiptar të lexojë botimet e viteve 1913 për gjenocidin e Lumës. Në të gjithë traktatet e gjenocideve, Luma rezulton një nga gjenocidet e para të regjistruara. Edi Rama jo vetëm që nuk pranon të kalojë rezolutën, përkundrazi prishi një përmendore ndaj mijëra viktimave, ndër të cilat qindra fëmijë u dogjën të gjallë. Janë të gjitha të përshkruara nga historianët e huaj të kohës."
