Unë nuk shoh rrugë të tjera në një sistem me armë demokratike përveç atyre armëve që të jep sistemi demokratik, që janë protestat. 

 

Unë nuk e shoh qeverinë aktuale si qeveri por si një organizatë të mirëfilltë kriminale dhe hajdutësh.

Dhe, duke qenë se unë i shikoj si të tillë personalisht unë nuk pranoj ulem, të diskutoj, e të bëj sikur këtu jemi në një vend normal dhe të bëj diskutime me kriminelë.

Ndaj krimit të organizuar dhe ndaj hajdutëve, për një vend të varfër siç është Shqipëria , duhet të ketë, zero, tolerancë.

Që do të thotë, 1000 herë zgjedh rrugën e vështirë por të drejtën, me qytetarët e thjeshtë në shesh, përballë tyre, se sa diskutimin për fasada dhe sikurse boshe që mund të sjellin zgjidhje momentale, por që nuk sjellin asnjë zgjidhje për pluralizmin e demokracisë dhe mbi të gjitha për qytetarët shqiptarë.

Nëse nuk ka demokraci të vërtetë qytetarët janë të pafuqishëm dhe si të tillë ata vetëm sa do abuzohen nga pushtetarë të korruptuar siç është kjo qeveri.

Shikoni sot kryetari i degës së Krujës, ka denoncuar vetëm sot, presionin që i bëhet atij nga ky pseudosistem drejtësie për votat, se dyshohet që paskemi vjedhur votat ne.

Ndërkohë që ne jemi ata që kemi humbur me 10 mijë vota. Nëse ne i kemi vjedhur votat, ne e kishim fituar edhe atë bashki.