Klevis Balliu, Sekretari i Organizimit në PD, në fjalën e tij para protestuesve të mbledhur tek Kryesia e Kuvendit, tha se sot jemi mbledhur këtu “ për t’i bërë me dije narkoqeverisë, “oltaxhaçkave” të qeverisë, hajdutëve të pronave të shqiptarëve, Edi Ramës, Olsi Ramës, të gjithë hajdutëve që sot vishen me kostumet e politikës, se opozitën nuk e ndalin dot, se opozitën nuk e emërojnë dot dhe që Sali Berishën nuk e zëvendësojnë dot dhe nuk e ndalojnë dot.
Në dhjetë vite, në dhjetë vite, kemi plot 9 miliardë euro të çuara dëm.
Në dhjetë vite, kjo qeveri ka arritur të gjejë kilometrin më të shtrenjtë të botës me 30 milionë euro.
Në dhjetë vite, kjo qeveri ka hedhur gaz lotsjellës në shtëpitë e foshnjave.
Në dhjetë vite, ka dhunuar dhe arrestuar mbi 3-mijë protestues, por nuk ka gjetur kohën të arrestojë Ilir Beqjan, nuk ka gjetur kohë të arrestojë Lali Djegësin, Lali Inceneratorin, hajdutin e inceneratorin, nuk ka gjetur kohëtë arrestojë pronarin e çdo kazinoje në Shqipëri, Olsi Ramën, nuk ka gjetur kohë të arrestojë asnjë nga bandat e Bajrave dhe asnjë prej atyre që vjedhin votat, nuk ka gjetur kohën të arrestojë hajdutët si Rrahman Rrahja dhe asnjë kriminel. “