Kryetari I Partisë Demokratike e ka cilësuar si taksë dëbimi nga vendi, taksën 15 %, që qeveria ka vendosur  ndaj profesioneve të lira, dhe që hyri në fuqi, me nisjen e vitit të ri.  Përmes një postimi në FB, Berisha analizon  efektet  që kjo taksë do ketë te profesionistët e lirë, duke thënë se përmes kësaj taksë,  qeveria po I dëbon nga vendi.

Ky vit i ri nisi me një goditje të rëndë për 29 mijë shqiptarë që ushtrojnë profesione të lira.taksa e profesioneve të lira në Shqipëri, si një mekanizëm për të DËBUAR nga Shqipëria, atë shtresë ku përfshihen operatorët turistikë, veterinerët, arsimtarët, mjekët, agjentët e pasurive të paluajtshme, elektricistët, hidraulikët etj.Taksimi i tyre me 15% dhe 23% është de facto një TAKSË DËBIMI, pasi cili do që njeh një profesionistë nga këto fushë, e di se të ardhurat e shumicës së tyre janë në kufirin e mbijetesës.

Berisha u bëri thirrje, profesionistëve të lirë, të mos e gjejnë zgjidhjen te largimi nga Shqipëria por ti bashkohen mosbidnjes civile dhe të ngrihen kundër qeverisë.

Taksimi i profesioneve të lira është vetëm kushti më i ri i kalkuluar për të përshpejtuar largimin e shqiptarëve. Kusht i kalkuluar është edhe shkatërrimi i zgjedhjeve të lira.Kusht i kalkuluar është edhe agresioni ndaj opozitës. Ku përfshihen vjedhja e logos së Partsë Demokratike. Dhe burgosja e liderit të opozitës. Prandaj ju bëj thirrje profesionistëve të lirë. Të qëndrojnë për Shqipërinë. Mos të dorëzohen duke zgjedhur të largohen, ashtu siç synohet. Por të bashkohen në mosbindje civile duke REFUZUAR pagesën e kësaj takse.

Lideri I opozitës e përmbyll reagimin e tij, duke theksuar se kjo është një beteje për plularizimin dhe shpëtimin e demokracisë në vend.