Në një lidhje me Skype për edicionin e mbrëmjes me Armela Ferkon në Syri Tv, Doda shprehet se Edi Rama ka vendosur neodiktaturën në vend dhe për këtë shqiptarët nëpër botë do solidarizohen duke iu kundërpërgjigjur në formë protestash.

“Në Shqipëri ka pllakosur komunizmi, neodiktatura dhe çdo javë në Romë do të ketë protesta dhe do vazhdojnë të shtohen në të gjitha qytetet e Italisë por edhe në të gjithë pjesën e Europës dhe të botës, duke filluar nga Athina,në Londër, Washington e në shumë vende të tjera të botës.

Thirrja jonë në rradhë të parë është lirimi i dr.Berishës i cili është arrestuar politikisht. Edi Rama me bashkëpunëtorët e tij e arrestoi dhe dëshiron t’i mbylli fjalën kryetarit të opozitës por kjo nuk është vetëm për Sali Berishën, është për të gjithë popullin Shqiptar. Ai mendon se duke i mbyll gojën dr.Sali Berishës do ua mbyll të gjithëve dhe këtë e dimë shumë mirë sepse në Shqipëri ka plakosur fakti që ose je me parinë socialiste, do jesh patronazhist ose do largohesh nga Shqipëria siç janë larguar shumë.”