Prokuroria e Posaçme kundër Korrupsionit dhe Krimit të Organizuar, ka rregjistruar procedim penal dhe po kryen hetime ndaj disa zyrtarëve të OSHEE-së.
Burime jozyrtare bëjnë me dije se procedimi penal është regjistruar për disa vepra penale mes të cilave edhe korrupsionin.
Pjesë e hetimeve është edhe një skemë korruptive ku kundrejt ryshfetit fshiheshin debite nga sistemi.
Me kërkesë të SPAK thonë të njëjtat burime, janë sekuestruar edhe sende e pajisje për llogari të hetimit mes të cilave edhe aparati celular i drejtorit të menaxhimit të kontratave Romeo Karaj, kompjutera etj.
Elton Sevrani, administrator i një departamenti në “OSHEE group”, është gjithashtu subjekt i hetimit. Ka dyshime se janë me dhjetra rastesh ku disa zyrtar e punonjës kanë vepruar në koordinim.
