Nga Mariela Shkurta: 

Spak të marrë leksione ose ti kërkojë ndihmë Belind Këlliçi

Arben Ahmetaj nuk është i pastër! Me pllaka & laminate e grupe hidraulikësh nuk i hedh dot hi syve të shqiptarëve. Por ajo që është edhe me e rëndë është fakti që ka ditur kaq shumë afera e nuk ka folur deri në momentin që atij ju cenua liria dhe ishte Kurbani i radhës. Minimalisht dorëheqja do ishte më dinjitoze se heshtja, që në fakt e bën atë bashkëfajtor pa firmë.

Megjithatë, përtej mekateve të Ahmetajt, akuzat e tij kaq të drejtprdrejta dhe për më tepër publike, ndaj Ramës, Veliaj&Co janë tepër të rënda. Më e rëndë është akuza e Ahmetaj ndaj SPAK, apo drejtësia e re e Edi Ramës që përdoret si drapër ndaj opozitës.

Opozita del dhe denoncon cdo ditë me fakte, dokumente që mbajnë firmën e kreut të qeverisë, në aferën e zhvatjes së shekullit të parave të shqiptarëve. Natyrshëm lind pyetja! Përse SPAK hesht!?

Me arrestimin e kreut te opozitës, SPAK vërtetoi që nuk punon në favor të së drejtës, fundja cfarë mund të pretendosh nga një drejtësi me hetues të kohës së komunizmit si Arben Kraja? Apo hetim nga një gjyqtare e cila është shkarkuar nga Berisha për korrupsion?

Sot Ahmetaj akuzoi SPAK se nuk po ndjek paranë, nuk po heton pronarët de facto të inceneratorëve, dhe se është kthyer në një marionetë të vërtetë të narkoshtetit.