Anëtari i Këshillit Kombëtar të PD-së, Jamarbër Malltezi ka reaguar në lidhje me akuzat e bëra nga ish-zëvendës kryeministri Arben Ahmetaj, në drejtim të Edi Ramës dhe Erion Veliaj për aferën e inceneratorëve dhe mbrojtjen që kanë nga SPAK.
‘SPAK si letër higjenike e Edi Ramës’, shkruan Malltezi në Facebook, duke publikuar akuzat e bëra nga kryetari i PD-së, Sali Berisha, në drejtim të Edi Ramës dhe Erion Veliaj për inceneratorin e Tiranës dhe EcoParkun e Porto Romanos, ku thjeshtra e kryeministrit përfitoi 19 milionë euro nga projekti.
Fjale e Berishës në parlament: Thirrja ime është Arben Ahmetit, të bëhesh i penduar i drejtësisë. Ke vetëm një rrugë, ke vjedhur për të vjedhur, mos e diskuto se nuk je kurrë ti që nuk vjedh dhe të zbërthesh të gjithë veprimtarinë e organizatës kriminale. Por Edi Rama është përgjegjësi numër 1 është autori i firmës pas Enti Kombëtar i Prokurime i tha se kjo procedurë është antiligjore.
Fjala e Berishës para gazetarëve: Afera McGonigal po avancon, hetimet po thellohen. A ka prokurori në botë që përballë fakteve të tilla hesht përveç ‘Skapit’ të partisë?
Fjala e Berishës nga 'arresti i shtëpisë':EcoParkun e Porto Romanos në të cilën Edi Rama familjarisht zhvati me një firmë 80 milionë euro.
Në korrik të 2019-ës, ky hajdut i paskrupullt që mbrohet nga Dumani u thotë shqiptarëve se atje do të ndërtoj një Ecopark dhe do ta ndërtojë me sektorin privat. Pas kësaj tenderin e anulon me urdhër Rama dhe vetëm 18 ditë më vonë pa tender firmoset marrëveshja për 19 milionë euro me kompaninë VictoriaInvest dhe Demare. Edi Rama foli në korrik të 2019-ës për parkun por Klodian Zoto ishte kujtuar që në prill të 2019-ës të kontraktonte një kompani ku ishte thjeshtra e Edi Ramës për të bërë projektin e Porto Romanos, 3 muaj pasi Rama ta shpallte, 6 muaj para se të behej projekti.
Pra i rikujtova këto se vjedhja e shekullit është vjedhja e Edi Ramës dhe Erion Veliajt.
Morali zero i drejtësisë së re, e reformës së Xhorxh Sorosit që e shndrroi drejtësinë ne degë ekzekutivi, armike të të drejtave dhe lirive të shqiptarëve.
