Bëhet fjalë Samitin Rajonal mbi Planin e Rritjes dhe Konvergjencës me fokus integrimin e Ballkanit Perëndimor drejt Bashkimit Europian, si dhe zbatimin e Planit të Rritjes për Ballkanin Perëndimor. 

Mungesa e madhe në këtë samit do të jetë Kosova.

Por në samit nuk do jetë i pranishëm edhe kryeministri i Malit të Zi. 

Në këtë mënyrë, dy figurat kryesore të samitit do jenë Edi Rama dhe presidenti serb, Aleksandër Vuçiç.

I pranishëm do jetë edhe Komisioneri i Zgjerimit, Oliver Varhelyi, i kritikuar gjerësisht nga mediat e mëdha evropiane se mbështet autokratët e rajonit.

Ndërkohë edhe një ditë më parë u zhvillua një samit, që duhej të përfshinte vendet e Europës Juglindore.

Por në samit munguan shtete të mëdha si Rumania, Greqia, Bullgaria apo Turqia.

Analistët thanë një ditë më parë se fituesi i samitit doli presidenti serb, Aleksandër Vuçiç, që imponoi axhendën e tij.

Ndërkohë sot, duket se samiti sërish do jetë për dyshen Rama-Vuçiç.