Në fjalën e mbajtur në tubimin qytetar, kryetari i Partisë Demokratike, Sali Berisha u bëri thirrje qytetarëve të Tiranës që ti bashkohen të premten protestës së orës 11:0.0 tek Bashkia.
Berisha deklaroi se, me këtë protestë fillon edhe fitorja e opozitës.
Pjesë nga fjala e kreut të PD-së, Sali Berisha:
Mirëmbrëma dhe përshëndetjet më të përzemërta.
Të dashur qytetarë dhe qytetare, qëndrestarë dhe qëndrestare, misionarë të dinjitetit, shpresës dhe të ardhmes së Shqipërisë.
Sonte takohemi në prag të një ngjarje të madhe, të fillimit të betejës gjer në përmbysjen e regjimit të narkoshtetit të Edi Ramës.
Ditën e premte në ora 11:00, çdo opozitare dhe opozitar e ftoj t’i përgjigjet thirrjes së Aleancës për Teatrin, aleancës më të pamposhtur që ka njohur vendi dhe ndoshta Europa, në betejë fitimtare.
Fitorja e opozitës, fitorja e qytetarëve të Tiranës fillon të premten në orën 11:00 tek Bashkia e Tiranës.
Ndaj le të nisim ne betejën e fitores.
